Lagos State indigenes don tok say dem no go gree join Western Region at all.
Dem talk dis one on Sunday under de name of De Renaissance Patriots Foundation. For statement wey dem release, dem say one Bill dey wey wan make Nigeria go back to regional goment, but dem say Lagos State people no go follow join Western Region.
De Renaissance Patriots Foundation, for di statement wey Adelani Adeniji-Adele sign, say: “Dis bill wey dem dey propose dey give us bad signal for Lagos State. E be like anoda attempt to put us inside big group wey no follow wetin we believe as indigenes of di state.”
“Di first and most important tin be say dem no do plenty consultation on dis mata to find out if na wetin we want be dat to join anoda subgroup. Dem no fit just assume am like dat.”
“Since wen Lagos and im area become colony, we don dey always tok say we prefer to dey on our own, we no wan join any Western Region or Province.”
“For recent times, our different Indigenous groups don dey always tok say we as indigenes of Lagos dey always get raw deal from our neighbours for South West, wey no dey see anytin good for us, dem only dey use us take do wetin dem like.”
“We remember say for our history of over 100 years, Lagos indigenes for dia different forms, towns and villages neva make progress and development as part of any region, talk less of Western Region. Di small time wey dem divide our state join Western Region na mistake.”
“Dem no suppose assume anytin especially from wetin dey inside dis proposed bill, especially if e get Lagos State as part of any region. We dey demand referendum to show wetin di pipo want.”
“We, di indigenes of Lagos State, no wan be part of di regional state wey dis Bill dey propose to bring Nigeria back to regional goment. Our leaders and traditional rulers bin oppose am for 1953 and we gain small for 1967. We, di children of our heroes wey don pass, no go gree am at all.”
“We dey tell our representatives for National Assembly to consult wit elder statesmen and stakeholders before dem take any action on di Bill.”
“Dis mata pass ruling party and state goment matter. Dem no fit just secretly bring Lagos State enter inside South West Region proposal wey dey dis Bill.”
“Di old cry of our struggle during colonial rule still stand.”
